CARLOS II DE NAVARRA
El rey que pudo dominar Europa.

Karlos Évreuxkoa normandiarra, hemezortzi urterekin Nafarroako errege izendatua, Frantziako errege izan nahi zuen jaun feudala izan zen. Hasiera batean, Normandiako jabetzak mantentzen saiatu zen batez ere, eta hori, bestalde, bere erresuma finantzatzeko ezinbestekoa zen, izurriak bertako biztanleriaren erdia hil zuen eta.

Garai latza bizitzea egokitu zitzaion, Ehun Urteko Gerraren hasiera hain zuzen ere. Hasierako ondorioetako bat Gaztelako gerra zibila izan zen, non bere anaia bastardoak, Henrike Trastámarakoak Petri I.a erregea tronugabetu eta hil zuen. Gertaera horrek beste amaiera bat izan balu, 1200. urtearen aurreko mugetara itzuliko zukeen Nafarroa, gaztelarrek erresumaren mendebaldea konkistatu zutenean zituenetara. Gertakarien bilakaerak Nafarroako Erresumari erreparatzera eraman zuten, eta, azkenean, bere bihotzak Uxuen atseden hartu zuen.

Karlos II.a Nafarroako Erregea (1332-1387), «Gaiztoa» ezizenez ezagutzen da. Izen hori Diego Ramírez de Ávalos XVI. mendeko historialari gaztelauak eman zion. Historialari frantsesek gogotsu hartu zuten burutazio hori, ez ordea Arnaud Oihenart eta Aita José Moret Nafarroako Erresumako lehen kronistaren gisako nafarrek.

Oso garai nahasia bizitzea egokitu zitzaion. Izurriak Nafarroako biztanleriaren erdia hil zuen, Ehun Urteko Gerraren hasiera eta Gaztelako gerra zibila.

Bere biografia azpijokoz, azpikeriaz eta konspirazioz josia dago. Karlos II.a 1387an zendu zen, eta erraiak Orreagara, gorputza Iruñeko Katedralera eta bihotza Uxuera bidal zitezen agindu zuen, Nafarroari zion maitasuna erakutsiz.